சிக்கன் பள்ளிபாளையம் செய்வது எப்படி?

 சிக்கன் பள்ளிபாளையம் செய்வது எப்படி? 

தேவையான பொருட்கள்:

சிக்கன்                            -  1கி

எண்ணெய்                 -   2மேஜைக்கரண்டி

கடுகு                                -   1 தேக்கரண்டி

சின்ன வெங்காயம்  -   1/4 கி

காய்ந்த மிளகாய்      -   10-15

கறிவேப்பிலை           -   சிறிதளவு

இஞ்சி                              -   2 துண்டுகள்

பூண்டு                             -   15-20பல்

மஞ்சள் தூள்                -   1/2 தேக்கரண்டி

உப்பு                                  -   தேவைக்கேற்ப

மிளகுத்தூள்                -   1/2 தேக்கரண்டி

தேங்காய்                       -   1மூடி

கொத்தமல்லி              -   தேவையானவை

செய்முறை:

            🌹சிக்கன்  1கிலோவை  சிறு  சிறு துண்டுகளாக  வெட்டி  தண்ணீரில் அலசிக்  கொள்ளவும்.. 

            🌹இஞ்சியை   சுரண்டி  பூண்டு பல்லுடன்  தட்டி வைத்துக் கொள்ளவும். 

           🌹வாணெலியில்   எண்ணெய்  ஊற்றி  காய்ந்ததும்  கடுகு  போட்டு வெடித்ததும்  உளுத்தம்பருப்பு போடவும். 

         🌹அதனுடன்  சின்ன வெங்காயம், கறிவேப்பிலை, காய்ந்த மிளகாய் போட்டு நன்கு வதக்கவும்.. 

(காய்ந்த  மிளகாயை   கிள்ளி விதையில்லாமல்  எடுத்து வைக்கவும்.. ) 

          🌹வதங்கிய  பின்  இஞ்சி, பூண்டு  விழுதை  அதனுடன்  சேர்த்து  வதக்கவும். 

இஞ்சி, பூண்டு விழுதை எண்ணெயிில்  வதக்கும் போது  சுவையாகவும், நல்ல மணமாகவும்  இருக்கும். 

🌹சிக்கன், மஞ்சள்  தூள்  சேர்த்து  சிறிது நேரம் வேக விடவும். 

🌹தேங்காயை  சிறு சிறு  துண்டுகளாக நறுக்கி சிக்கனுடன்  சேர்த்து உப்பு கலந்து தண்ணீர் சேர்த்து வேக விடவும்.. 

நன்கு  வேகும்  போது  மிளகாயின் காரம்  சிக்கனில்  இறங்கி விடும். 

🌹மிளகுத்தூள்  தேவைபடும்  அளவிற்கு சேர்த்து  கொத்தமல்லி இலை தூவி   சிறிது  கிரேவியுடன் அடுப்பை  அனைக்கவும். 

சுவையான  பள்ளிபாளையம்  சிக்கன் தயார்