உருளைக்கிழங்கு பிரெட் உருண்டை செய்வது எப்படி?

 உருளைக்கிழங்கு பிரெட் உருண்டை செய்வது எப்படி? 

தேவையான பொருட்கள்:

உருளைக்கிழங்கு        -  3

பெரிய வெங்காயம்    -  1 கப்

பிரெட்                                  -  5-6

கொத்தமல்லி இலை -  1/2 கப்

கரம் மசாலா                    -  1/2 தேக்கரண்டி

மிளகாய் தூள்                -  1/2தேக்கரண்டி

உப்பு                                    -  தேவைக்கேற்ப

மிளகு                                 -  1/2 தேக்கரண்டி

எண்ணெய்                     -  1/2 லிட்டர்

சோள மாவு                      - 1-2மேஜைக்கரண்டி

செய்முறை:

             🌹உருளைக்கிழங்கை  அலசி   இரண்டாக  வெட்டி தண்ணீரில் போட்டு  வேக விட  வேண்டும். 

               🌹பிரெட்டை  தோசை  கல்லில் போட்டு  நிறம்  மாறாமல்  டோஸ்ட் செய்யவும். 

                🌹அதனை மிக்ஸியில்  போட்டு பவுடர் செய்யவும். 

                🌹பெரிய  வெங்காயம்,  கொத்தமல்லி இலையை  பொடியாக  நறுக்கிக் கொள்ளவும். 

                🌹வெந்த உருளைக்கிழங்கை தோல் உரித்து மசித்துக் கொள்ளவும். 

               🌹அதனுடன்  பெரிய வெங்காயம், கொத்தமல்லி  இலை, கரம் மசாலா, மிளகாய் தூள், மிளகு, உப்பு, பிரெட் தூள் (1/2 கப்) சேர்த்து  பிசைந்து  கொள்ளவும்.. மீதம் உள்ள பிரெட் தூளை தனியாக வைக்கவும்.. 

               🌹பிசைந்து வைத்துள்ள மாவை உருண்டைகளாக உருட்டவும். சோள மாவை தண்ணீர் விட்டு கரைக்கவும். 

               🌹வாணெலியில்  எண்ணெய் ஊற்றி  காய்ந்ததும்  உருண்டையை  சோள மாவு  தண்ணீருக்குள்  போட்டு  எடுத்து பின்பு பிரெட்  தூளில்  பிரட்டி  எண்ணெய்க்குள் போட்டு  பொன்னிறமாக  எடுக்கவும். 

சூடான சுவையான உருளைக்கிழங்கு பிரெட் உருண்டை தயார்